Gögnin milljarða virði

Botngerðarkort úti fyrir Íslandi, en slíkar upplýsingar gætu nýst í …
Botngerðarkort úti fyrir Íslandi, en slíkar upplýsingar gætu nýst í tengslum við auðlindir á hafsbotni sem og hagnýtum fiskveiðum og uppeldisstöðvar fiskistofna.

Þótt rannsóknir fyrirtækjanna sem leituðu að olíu á Drekasvæðinu hafi ekki leitt til þess að vinnsla hæfist skiluðu þær miklum verðmætum fyrir Íslendinga. Vísindamenn hjá Íslenskum orkurannsóknum (ÍSOR) segja gögnin milljarða virði og muni nýtast þjóðinni í framtíðinni. Olíuleitarfyrirtækin fengu rannsóknarleyfi með skilyrðum um skil á gögnum til stjórnvalda hér á landi. Það er væntanlega það eina sem olíuleitin skilur eftir sig.

Misbrestur hefur verið á því að erlendir rannsóknarleiðangrar sem hingað koma fullnægi skilyrðum leyfa sinna og afhendi stjórnvöldum gögn um rannsóknir sínar. Stjórnvöld hafa falið ÍSOR að ganga eftir skilum á þessum gögnum.

Steinunn Hauksdóttir og Bjarni Richter, yfirverkefnisstjórar hjá ÍSOR, segja mikilvægt að skýr stefna og markmið séu við skipulagningu rannsókna á hafsbotni og leitað sé allra leiða til að afla þekkingar. Í undirbúningi er stórt alþjóðlegt rannsóknarverkefni sem ÍSOR og Jarðvísindastofnun HÍ taka þátt í.

Ef verkefni Íslendinga ná í gegn á þeim vettvangi verður borað í hafsbotninn við landið á árinu 2024 og borkjarnar fást til rannsóknar. ÍSOR gegnir lykilhlutverki í rannsóknum á hafsbotninum við Ísland.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.090 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »