Lögreglunni á Austurlandi barst tilkynning um vopnaða manninn í Dalseli á Egilsstöðum þegar hann hafði haft uppi hótanir um að beita skotvopni. Þá fór lögregla á vettvang og var maðurinn þá inni í íbúðarhúsi, að því er fram kemur í tilkynningu frá lögreglu. 

Tilkynningin til lögreglu um atvikið barst laust eftir klukkan tíu í kvöld.

Skothvellir heyrðust innan úr húsinu og skaut maðurinn í átt að lögreglu. Þá var ekki vitað hvort fleiri væru inni í húsinu.

„Eftir um klukkustund kom viðkomandi vopnaður út úr húsinu, skaut að lögreglu og varð þá fyrir skoti,“ segir í tilkynningunni. 

Í kjölfarið fékk maðurinn aðhlynningu frá lækni og var síðar fluttur með sjúkraflugi til Reykjavíkur. Ekki er vitað um ástand hans. 

„Vegna rannsóknarhagsmuna getur lögregla á þessu stigi ekki tjáð sig frekar um málið. Það fer nú til rannsóknar hjá embætti héraðssaksóknara.“

Tengdar fréttir

Vopnaður maður skotinn af lögreglu á Egilsstöðum

Hafna áfrýjunarbeiðni skotárásarmanns

• „Þetta eru svakaleg vonbrigði“
• Átta ára dómur í skotmáli á Egilsstöðum staðfestur
• Óyggjandi sannanir sýna aðra atburðarás
• Fær átta ára fangelsi fyrir skotárás á Egilsstöðum

» Fleiri tengdar fréttir

• Blogga um frétt