Stjórn Blaðamannafélags Íslands skorar á Katrínu Jakobsdóttur og ríkisstjórn hennar að beita sér fyrir því gagnvart bandarískum stjórnvöldum að málsóknin gegn ástralska blaðamanninum Julian Assange verði felld niður. 

Þetta kemur fram í tilkynningu frá BÍ. 

Þar segir ennfremur, að vaxandi skilningur sé á því víða að málsóknin gegn Assange sé ekki eingöngu aðför gegn einum blaðamanni heldur árás á fjölmiðlafrelsi um allan heim. 

„Ákæran gegn honum jafnar blaðamennsku við njósnir og tók Trump-stjórnin sér það vald að ákæra ástralskan blaðamann fyrir útgáfustarfsemi í Bretlandi, Þýskalandi, Svíþjóð og Íslandi. Assange situr nú í fangelsi í Bretlandi við slæma heilsu þrátt fyrir að hafa ekki hlotið dóm. verði hann framseldur til Bandaríkjanna bíður hanns hámarksrefsing fyrir 18 ákæruliði, sem byggja á fornri þarlendri njósnalöggjöf frá árinu 1917, sem nemur 175 ára fangelsi. Þetta er í fyrsta sinn í bandarískri sögu sem mál er rekið gegn blaðamanni á grunni þessarar löggjafar.“

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

• 1 blogg um fréttina

Bloggað um fréttina

• Björn Jónsson: Þettað er Internet glæpamaður