Á Íslandi er langmest losun frá flutningum og þar á eftir framleiðslu, sé miðað við tölur frá 2016. Fyrir utan þessar tvær greinar eru það landbúnaður og fiskveiðar og svo heimilin sem losa mest af gróðurhúsalofttegundum hér á landi.

Af þessum greinum hefur losunin minnkað alls staðar frá 2016 fram til fyrri árshelmings 2021 nema í heimilageiranum þar sem losun hefur aukist um 12%.

Þetta kemur fram í nýrri Hagsjá Landsbankans. 

Mest hefur dregið úr losun frá flutningum og geymslu þar sem losunin í ár er einungis um 40% af því sem hún var 2016. Notkun einkabílsins fellur undir losun heimila og er stærsti losunarliður þar. 

„Þannig var losun koltvísýringsígilda vegna aksturs heimilisbifreiða 158 kílótonn á öðrum ársfjórðungi 2021. Það er hæsta gildi sem hefur mælst frá 2016 og um 22% meiri losun en á sama tíma í fyrra,“ segir í samantekt Hagsjánnar. 

Tengdar fréttir

Loftslagsvá

Stórt svæði orðið eldi að bráð

• Thunberg: „Aðeins byrjunin“
• Svissneska ríkið sakfellt í loftslagsmáli
• Hitamet slegið í Austurríki
• Greta Thunberg handtekin tvisvar

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Innantóm loforð VG og Dags B. Eggertssonar í umhverfismálum - …