Andlát Daníels Eiríkssonar, sem lést á Landspítalanum í apríl á þessu ári eftir að honum voru veittir áverkar í Vindakór í Kópavogi degi áður, er ekki komið á borð héraðssaksóknara. Þetta kemur fram í svari embættis héraðssaksóknara við fyrirspurn mbl.is.

Rúmenskur karlmaður, sem um tíma var sat í gæsluvarðhaldi vegna málsins, hefur sagt að um slys væri að ræða og kvaðst niðurbrotinn vegna andláts Daníels.

Frétt af mbl.is

Sleppt úr varðhaldi í mannslátsmáli

Þrír upphaflega handteknir

Tengsl voru á milli mannanna og einhver samskipti á milli þeirra, eins og Margeir Sveinsson yfirlögregluþjónn rannsóknardeildar, staðfesti í kjölfar málsins. Margeir sagði einnig að málið tengdist að öllum líkindum ekki skipulagðri glæpastarfsemi eða manndrápinu í Rauðagerði, sem þá var tiltölulega nýskeð.

Þrír karlmenn voru upphaflega handteknir vegna Vindakórs-málsins en tveimur þeirra var sleppt úr haldi stuttu síðar. 

Þá var meðal annars lagt hald á ökutæki í þágu rannsóknarinnar, eins og áðurnefndur Margeir tjáði mbl.is fyrr á árinu.

Tengdar fréttir

Mannslát í Kópavogi

Milduðu dóm vegna manndráps af gáleysi

• Dæmdur í rúm 3 ár fyrir manndráp af gáleysi
• Lýsti yfir sakleysi sínu í héraðsdómi
• Ákærður fyrir manndráp af gáleysi
• Rannsókn Vindakórsmáls lokið

» Fleiri tengdar fréttir

• Blogga um frétt