Hlaupið enn í gangi þó dregið hafi úr rennsli
Hlaupvatn er ennþá að dreifa sér um láglendið.
mbl.is/Eggert Jóhannesson
Setja bókamerki
Hlaupið í Skaftá er enn í gangi, þó verulega hafi dregið úr rennsli og vatnhæð minnkað í árfarveginum. Þetta kemur fram á vef Veðurstofunnar.
Hlaupvatn er ennþá að dreifa sér um láglendið en helstu merki þess eru að vatnshæð í Tungulæk sem kemur undan Eldhrauni er áfram hækkandi. Þó er ljóst að verulega hefur dregið úr áhrifum frá hlaupvatni á flóðasvæðinu.
Áfram er þó hætta á gasmengun nálægt upptökum Skaftár.
Þá segir að gul veðurviðvörun sem hefur verið gefin út og tekur gildi seinnipart sunnudags gæti valdið vatnavöxtum í ám og lækjum. Áhrif úrkomunnar geta orðið meiri en ella á áhrifasvæði hlaupsins vegna hárrar vatnsstöðu í kjölfar þess.
Handteknir eftir myndatöku í Vesturbæjarlaug
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Telur forsendur fyrir vaxtalækkun
Shakespeare fannst í skókassa
Æskuvinur Íslendings myrtur í Noregi
Kostnaður meiri en milljón á fermetra