Fyrirskipun um niðurskurð alls sauðfjár
Setja bókamerki
Matvælastofnun upplýsti atvinnuvega- og nýsköpunarráðuneytið formlega í gær um að stofnunin hygðist leggja fram fyrirskipun um niðurskurð alls sauðfjár á bænum Syðra-Skörðugili í Skagafirði vegna riðuveiki.
Þetta kemur fram í svari ráðuneytisins við fyrirspurn mbl.is.
Riða greindist í fé frá bænum á föstudaginn var. Skera þarf alla hjörðina sem er um 1.500 fjár, fullorðið fé og lömb. Hjörðin er öll talin vera smituð líkt og fjárhúsin og nánasta umhverfi.
Eftir að fyrirskipunin er lögð fram er ferlið þannig að ráðuneytið hefur í framhaldinu samband við ábúandann og veitir honum frest til að koma á framfæri andmælum við tillögunni. Eftir það tekur ráðuneytið ákvörðun um hvort tilllögunni verður fylgt, segir í svarinu.
Ákveði ráðuneytið að fyrirskipa um niðurskurð verður hafist strax handa við gerð samnings sem er grundvöllur bótagreiðslna.
„Um er að ræða samningaviðræður við ábúendur sem ekki er unnt að segja til um hvenær ljúki en allt kapp verður lagt á að ljúka þeim sem fyrst. Ráðuneytið hefur það alltaf að markmiði,“ segir í svarinu.
Bent er ákvæði laga nr. 25/1993 um dýrasjúkdóma og varnir gegn þeim sem og reglugerð nr. 651/2001, varðandi bæturnar sem eru greiddar. Þar kemur fram að ábúendur skuli hreinsa útihús og nánasta umhverfi á eigin kostnað.
Shakespeare fannst í skókassa
„Höfum ekki náð að skríða upp úr þeirri gryfju“
Kostnaður meiri en milljón á fermetra
„Umsátursástand“
Vélsleðaslys: Þyrlan kölluð út á mesta forgangi
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar