37 kórónuveirusmit greindust í gær. Daginn þar áður voru þau 26 talsins.
Af þeim sem smituðust eru 22 ekki bólusettir, eða tæp 60%. Fimmtán eru bólusettir.
Í því samhengi ber að nefna að 13% landsmanna, 12 ára og eldri, eru ekki fullbólusett.
Rúmlega helmingur smitanna varð því í þeim hlutfallslega litla hópi fólks og á meðal barna 11 ára og yngri.
Rétt rúmlega hundrað börn á aldrinum 0-12 ára eru með virkt smit og í einangrun.