Síðasti dagurinn í dag
Setja bókamerki
Síðasti dagur skýrslutöku í Rauðagerðismálinu hefst í Héraðsdómi Reykjavíkur í dag. Löngum og ströngum skýrslum sakborninga, lögreglumanna, sérfræðinga og annarra vitna er því næstum lokið.
Meðal þeirra sem komið hafa fyrir héraðsdóm til að gefa skýrslu eru allir sakborningar í málinu; Angjelin Sterkaj, sem játað hefur að hafa orðið Armando Beqirai að bana 13. febrúar, Shpetim Qerim, Claudia Sofia Carvalho og Murat Selivrada.
Auk þeirra hafa komið vitni á borð við Anton Kristinn Þórarinsson, gjarnan kallaður Toni, konu hans Ellen, Þórönnu Helgu Gunnarsdóttur, ekkju hins látna Armando, bróður Armandos, vini Armandos og vini Angjelins.
/frimg/1/29/73/1297312.jpg)
Margeir Sveinsson mætir í héraðsdóm
Í dag er ráðgert að Margeir Sveinsson, aðstoðaryfirlögregluþjónn miðlægrar rannsóknardeildar lögreglunnar á höfuðborgarsvæðinu, mæti í héraðsdóm og gefi skýrslu.
Angjelin Sterkaj hefur játað morðið á Armando Beqirai og má því gera ráð fyrir að hann hljóti dóm fyrir það, þótt ómögulegt sé að segja hversu þungan dóm hann hljóti. Enn erfiðara er að segja til um hvort Claudia, Shpetim og Murat hljóti dóm, en þau eru ákærð fyrir samverknað með Angjelin og neita öll sök.
Dómsuppkvaðning eftir um fimm vikur
Þótt skýrslutöku málsins ljúki í dag munu réttarhöldin halda áfram á fimmtudag í næstu viku. Þá munu verjendur sakborninganna fjögurra, auk Kolbrúnar Benediktsdóttur varahéraðssaksóknara, flytja mál sitt fyrir dómara.
Heildarskýrsla um málið eru einar 2 þúsund blaðsíður og má gera ráð fyrir að sókn og vörn í málinu gefi sér góðan tíma til þess að flytja mál sitt.
Fjórum vikum eftir það má gera ráð fyrir að verði dómsuppkvaðning í málinu. Fylgjast má með framvindu mála allt þangað til á mbl.is.
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
Skiptir miklu meira máli en fólk grunar
Skemmtiferðaskip hætt komið nærri Viðey
Sex hafa greinst með listeríu
Banna mengandi búnað sem leyfður er á Íslandi
Tveir í bílnum sem lenti utan vegar
Væri að ljúga ef ég segðist ekki stressaður