Vaka fær ekki að taka á móti úrgangi

Vaka hefur staðið fyrir förgun bíla á svæðinu síðustu ár.
Vaka hefur staðið fyrir förgun bíla á svæðinu síðustu ár. mbl.is/Árni Sæberg

Heilbrigðiseftirlitið lagði til á fundi umhverfis- og heilbrigðisráðs í vikunni að umsókn Vöku um endurnýjun á starfsleyfi fyrir móttökustöð fyrir úrgang yrði synjað. Málið hefur lengi verið umdeilt hjá íbúum á svæðinu en höfuðstöðvar fyrirtækisins eru við Héðinsgötu.

Í bréfi heilbrigðiseftirlitsins eru færð fyrir því rök að starfsleyfið sem Vaka sækist eftir sé ekki í samræmi við skipulag og neikvæðar umsagnir byggingar- og skipulagsfulltrúa liggja fyrir.

Starfsleyfi fyrirtækisins var fellt úr gildi í júní en í lok júlí fékk það undanþágu fyrir hluta starfseminnar. Umsókn Vöku um endurnýjun starfsleyfa er fjórþætt og voru þrjú þeirra samþykkt. Vaka er því búin að endurnýja starfsleyfi fyrir hjólbarðaverkstæði, bifreiða- og vélaverkstæði og bílapartasölu.

Eins og áður hefur komið fram í fréttum Morgunblaðsins hafa íbúar í hverfinu gert ítrekaðar athugasemdir við rekstur Vöku og tóku 65 íbúar í Laugarneshverfi höndum saman og gerðu alvarlegar athugasemdir við starfsemi fyrirtækisins. Íbúar í hverfinu höfðu áður sent heilbrigðiseftirlitinu ábendingu um starfsemi fyrirtækisins.

Hins vegar hafa einnig íbúar stigið fram til stuðnings starfsemi Vöku. Þar er minnt á að Vaka sé ómissandi styrktaraðili Þróttar og það yrði mikið áfall fyrir hverfið að tapa stuðningnum.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »