Árekstur varð á Holtavörðuheiði um þrjúleytið í dag. Þyrla Landhelgisgæslunnar var kölluð út og flutti þrjá einstaklinga á slysadeild Landspítalans.
Samkvæmt upplýsingum frá Landhelgisgæslunni voru einstaklingarnir ekki alvarlega slasaðir.
Holtavörðuheiði var lokað vegna slyssins, en rétt rúmlega fjögur var aftur opnað fyrir umferð.
Holtavörðuheiði: Holtavörðuheiði lokuð vegna umferðaróhapps, ekki vitað hve lengi #færðin #lokað
— Vegagerðin | Iceland Roads (@Vegagerdin) September 26, 2021