Lýsir yfir óvissustigi almannavarna

Sigríður Björk Guðjónsdóttir ríkislögreglustjóri.
Sigríður Björk Guðjónsdóttir ríkislögreglustjóri. mbl.is/Kristinn Magnússon

Ríkislögreglustjóri hefur lýst yfir óvissustigi almannavarna í umdæmum lögreglunnar á Norðurlandi, Vesturlandi og Vestfjörðum.

Í tilkynningu frá almannavarnadeild ríkislögreglustjórans er bent á að spáð sé óveðri sem spillt geti færð og valdið foktjóni, fyrst á Norðausturlandi í nótt, sem síðan gangi vestur yfir Norðurland og nái hámarki á Vestfjörðum síðla dags á morgun.

Er fólk hvatt til þess að fylgjast vel með veðurspám Veðurstofunnar og vef Vegagerðarinnar til að athuga færð á vegum.

Víðir Reynisson, yfirlögregluþjónn hjá almannavarnadeild ríkislögreglustjóra, vekur athygli á starfi deildarinnar á Twitter:

mbl.is