Björgunarsveitir og slökkviliðið eru að störfum í Ólafsfirði, meðal annars við að dæla upp úr kjöllurum, vegna mikilla rigninga.
Að sögn varðstjóra hjá lögreglunni á Norðurlandi eystra verður staðan metin betur þegar fer að birta.
Í Útkinn, vestan við Húsavík, hafa aurskriður fallið yfir vegi og rafmagn farið af einhverjum bæjum.
Þyrla Landhelgisgæslunnar er stödd á Akureyri til taks og fer hún í loftið í birtingu til að taka stöðuna. Björgunarsveitir eru einnig til taks.