Níu sjúklingar liggja á Landspítala vegna Covid-19, þar af eitt barn. Á bráðalegudeildum spítalans eru átta. Á gjörgæslu er einn sjúklingur, ekki í öndunarvél.
Meðalaldur þeirra sem liggja inni er 51 ár.
368 sjúklingar, þar af 145 börn, eru núna á Covid-göngudeild spítalans, að sögn Landspítalans.
Frá upphafi fjórðu bylgju, 30. júní síðastliðinn, hafa 119 verið lagðir inn vegna Covid-19 á spítalann.