Bjartsýnn á gerð fríverslunarsamnings
Setja bókamerki
Guðlaugur Þór Þórðarson, utanríkisráðherra, er ánægður með orð Lisu Murkowski, öldungadeildarþingmanns Bandaríkjanna, um að Bandaríkin ættu að gera fríverslunarsamning við Ísland.
„Skiptir verulega miklu máli“
„Lisa er auðvitað mikill Íslandsvinur og einn af þeim öldungadeildarþingmönnum sem við höfum rætt þetta mikið við. Við erum nú búin að fá nokkuð stöðugar fréttir af því að Lisa, og fleiri öldungadeildarþingmenn, eru að ýta á það að gerður verði fríverslunarsamningur við Ísland. Þetta er eitthvað sem skiptir verulega miklu máli og er mikil breyting frá því sem var þegar ég hóf þessa vegferð því að þá var enginn að tala um þetta,“ segir Guðlaugur Þór í samtali við mbl.is.
Hann segir efnahagssamráðið vera mikilvægt en stefnan sé að gera enn betur og kveðst bjartsýnn á að til samningaviðræðna komi.
„Við fögnum mjög því þegar tekið er undir málafylgi okkar Bandaríkjamegin. Það er enginn vafi að þegar reyndur öldungadeildarþingmaður, eins og Lisa, segir þetta á þessum vettvangi þá er full alvara á bakvið þetta og það hjálpar okkur mjög.“
„Það þarf að vinna mikinn fjölda upp“
Skemmtiferðaskip hætt komið nærri Viðey
Tveir í bílnum sem lenti utan vegar
Shakespeare fannst í skókassa
Sex hafa greinst með listeríu
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“
Krefjast stöðvunar framkvæmda