Hvít jörð á höfuðborgarsvæðinu

Íbúar höfuðborgarsvæðisins vakna í morgun upp við hvíta jörð, en í nótt snjóaði og þurfa ökumenn því líklegast að sópa af rúðum bíla sinna áður en lagt er af stað. Ekki er þó víst að snjórinn haldist lengi, því spáð er hlýnandi veðri með deginum og á morgun. 

Uppsöfnuð úrkoma á mælum Veðurstofunnar í Reykjavík voru í morgun 0,8 mm, en hiti hafði aldrei farið undir frostmark í nótt. Mældist lægsta hitastigið 0,4°C klukkan 6 í morgun.

• Blogga um frétt