Gul viðvörun vegna veðurs er á Breiðafirði, Vestfjörðum, Austfjörðum og á Suðausturlandi. Víða verður hvassviðri eða stormur með snörpum vindhviðum við fjöll á sunnan- og vestanverðu landinu í dag.
Aðstæðurnar eru varasamar ökutækjum sem taka á sig mikinn vind, að því er segir í athugasemdum veðurfræðings hjá Veðurstofu Íslands.
Í dag er spáð norðaustan 15 til 23 metrum á sekúndu. Rigning verður eða slydda norðan- og austanlands og dálítil él þar seinnipartinn en yfirleitt þurtt á Suður- og Vesturlandi. Hiti verður á bilnu 2 til 9 stig en kólnar smám saman í dag. Dregur úr vindi í kvöld.
Á morgun verður norðlæg átt, 10 til 18 metrar á sekúndu en lægir á vestanverðu landinu með morgninum.
Bjart verður að mestu sunnan- og vestantil en áfram verða dálítil él norðaustanlands. Hiti verður í kringum frostmark yfir daginn.
Vestlæg eða breytileg átt, 5 til 13 m/s, verður annað kvöld og þykknar upp vestanlands en styttir upp vestra.