Rannsókn staðið yfir í tæpa fjóra mánuði
Setja bókamerki
Rannsókn lögreglunnar á hoppukastalaslysinu sem átti sér stað 1.júlí á Akureyri stendur enn yfir tæpum fjórum mánuðum síðar.
Rannsóknardeild lögreglunnar á Akureyri vildi ekki tjá sig um rannsókn málsins í dag eða hvenær búist sé við að henni ljúki. Því er enn óljóst hver endanleg niðurstaða verður í málinu.
Herdís Storgaard, verkefnastjóri hjá Miðstöð slysavarna barna, sagðist í samtali við mbl.is í sumar hafa boðið lögreglunni á Akureyri aðstoð við rannsókn málsins þar sem hún þekki öryggisstaðlana sem stuðst er við í tengslum við starfsleyfi hoppukastala.
Blaðamaður heyrði í Herdísi og gat hún heldur ekkert sagt um stöðuna á rannsókninni, hún segir að sín aðkoma að þessu máli hafi í raun verið að aðstoða lögreglu varðandi þekkingu á tæknibúnaði og hvaða kröfur hann ætti að uppfylla.
Þeirrar hjálpar hafi ekki verið þörf í byrjun þar sem lögregla hafi verið að safna almennum upplýsingum um slysið. Bætir hún við að þegar málið komist á það stig muni lögreglan væntanlega hafa samband við hana aftur.
„Ég læt ekki skoðanakannanir ráða för“
Skýrt skref í átt að stigmögnun
Íranar hafi vísvitandi gætt hófs
Fylgið ennþá dreift en fáir óráðnir
„Ef það er einhver einn lærdómur...“
Trump mætir fyrir dóm í fyrsta sakamálinu
„Erum á stað sem við höfum ekki séð áður“
„Ennþá í hálfgerðu áfalli yfir þessari frétt“