Fjórir mánuðir fyrir innflutning á OxyContin

Dómurinn féll í Héraðsdómi Reykjaness.
Dómurinn féll í Héraðsdómi Reykjaness. mbl.is/Ómar Óskarsson

Karlmaður sem var handtekinn á Keflavíkurflugvelli í ágúst fyrir innflutning á um 1.300 OxyContin-töflum hefur verið dæmdur í fjögurra mánaða fangelsi.

Maðurinn var stöðvaður við komuna til landsins í tollinum og fundu tollverðir töflurnar í pakka sem falinn var í nærbuxum mannsins.

Í dómi héraðsdóms kemur fram að maðurinn, sem er pólskur ríkisborgari og hefur ekki gerst sekur um brot hér á landi áður, hafi játað brot sitt skýlaust.

OxyContin er ópíóðalyf og þannig mjög sterkt verkjalyf.

mbl.is