Í dag er stefnt á að malbika nyrstu akrein á Reykjanesbraut til suðvesturs á milli bensínstöðvar Orkunnar og að rampa niður að Fífuhvammsvegi.
Þetta kemur fram í fréttatilkynningu frá Loftorku.
Þar segir að áætlað sé að framkvæmdir standi yfir frá klukkan 09 og til klukkan 15:30.
Framkvæmdaraðilar biðla til fólks að aka varlega á svæðinu þar sem starfsmenn verða að störfum nálægt akandi umferð.