Hin 18 ára gamla Telma Líf, sem leitað hefur verið á Spáni síðan í gær, er fundin. Þetta staðfestir stjúpmóðir hennar, Guðbjörg Gunnlaugsdóttir, í samtali við mbl.is.
„Það er mikil gleði og líkamlega er hún heil,“ segir hún.
Ekkert hafði spurst til Telmu frá því hún yfirgaf Villajosa-sjúkrahúsið í Alecante á Spáni um klukkan 5.30 í gærmorgun sem olli fjölskyldu hennar miklum áhyggjum.
Fjölskylda og vinir Telmu höfðu þá gengið Benidorm-ströndina og dreift myndum af Telmu í verslanir í von um að einhver hefði séð til hennar.
Að sögn Guðbjargar er fjölskyldan nú á leið til lögreglunnar til að tilkynna fundinn og láta taka skýrslu.
Fréttin hefur verið uppfærð.