Áfrýja dómi í launamáli yfirlögregluþjóna
Setja bókamerki
Embætti ríkislögreglustjóra og íslenska ríkið hafa áfrýjað fjórum málum sem töpuðust fyrir héraðsdómi til Landsréttar. Um er að ræða mál fjögurra yfirlögregluþjóna hjá embætti ríkislögreglustjóra vegna ákvörðunar ríkislögreglustjóra að afturkalla launahækkanir sem fyrrverandi ríkislögreglustjóri hafði veitt.
Á áfrýjunarskrá Landsréttar má nú sjá að málunum fjórum var áfrýjað í gær.
Í héraðsdómi var fallist á aðalkröfur yfirlögregluþjónanna um að embætti ríkislögreglustjóra ætti að greiða þeim laun í samræmi við samkomulag sem fyrrverandi ríkislögreglustjóri, Haraldur Johannessen, gerði við viðkomandi starfsmenn í lok ágúst 2019 um endurskoðun á launakjörum.
Sigríður Björk Guðjónsdóttir ríkislögreglustjóri tók við embættinu af Haraldi Johannessen í mars 2020 en eftir að hún tók við boðaði hún að launahækkanirnar yrðu afturkallaðar og að embættið teldi sig ekki bundið því samkomulagi sem gert hefði verið við nokkra yfirlögregluþjóna í lok ágúst 2019.
Segjast hafa skotið niður langdræga sprengjuvél
Ný staða uppi og óvissan meiri
Aðkoman í gripahúsið mjög slæm
Mikilvægt að vera á tánum
Hafa „ágætis tíma“ til úrbóta