Dröfn Kærnested, sækjandi í máli Carmenar Jóhannsdóttur gegn Jóni Baldvini Hannibalssyni, segir niðurstöðu Héraðsdóms Reykjavíkur vera vonbrigði og kemur það henni á óvart að dómari hafi sýknað. 

Jón Baldvin var í morgun sýknaður af ákæru fyrir kynferðislega áreitni þar sem hann var sakaður um að hafa strokið bakhluta Carmenar óumbeðið í matarboði á heimili Jóns Baldvins og eiginkonu hans á Spáni í júní 2018.

Frétt af mbl.is

Jón Baldvin sýknaður

Töldu sig vera með sterkt mál

Að sögn Drafnar stóð ákæruvaldið í þeirri trú um að það væri með sterkt mál í höndunum og að sönnunarstaðan væri góð. Segir hún þá óvanalegt að sýknað sé í kynferðisbrotamálum þar sem sjónarvottur er til staðar.

Spurð hvort hún telji líklegt að ríkissaksóknari muni áfrýja málinu, segir hún erfitt að leggja mat á það. Hún telur hins vegar líklegt að það verði skoðað vel. „Þeir hafa tíma samkvæmt lögum til að taka ákvörðun um áfrýjun.

Tengdar fréttir

Jón Baldvin Hannibalsson

Dómurinn yfir Jóni Baldvini stendur

• Margir sett sig í samband við Carmeni eftir dóminn
• Ekki viljað Jóni Baldvini illt
• Jón Baldvin sakfelldur fyrir kynferðisbrot
• Segir Jón Baldvin haga sér eins og rándýr

» Fleiri tengdar fréttir

• Blogga um frétt