Myndskeið sem sýnir hraða bráðnun Breiðamerkurjökuls í sumar hefur vakið mikla athygli og er það talið fanga þau eyðileggjandi áhrif sem hlýnun jarðar hefur á náttúruna og lífríkið.

Fréttamiðillinn Sky News birti myndskeiðið.

Teymi kvikmyndatökumanna, jöklafræðinga og vísindamiðlara stóð að baki myndskeiðsins en myndavélar voru settar upp við rætur jökulsins yfir tæplega sex vikna tímabil í sumar, eða milli júlí og september. Var þetta meðal annars gert í samstarfi við Rannsóknarsetur Háskóla Íslands á Hornafirði.

Ætti að vekja fólk til umhugsunar

Dr. Kieran Baxter, forsprakki verkefnisins, sagði að myndefnið ætti að vekja fólk til umhugsunar og að við gætum ekki lengur hunsað merkin um áhrif loftslagsbreytinga.

„Loftslagsbreytingar eru nú þegar að hafa alvarlegar afleiðingar fyrir heiminn og við verðum að taka ábyrgð á því,“ sagði Baxter og bætti við: „Leiðirnar sem við kjósum nú, þar með talið ákvarðanir gerðar á COP26, munu hafa mikil áhrif á loftslagið sem við munum þurfa að glíma við í framtíðinni. Magnið af bráðnun sem við sjáum á Íslandi er bara ein vísbending um skalann af þeim áhrifum.“

Hröð bráðnun jökla yfir sumartímann sé farið að valda vísindamönnum miklum áhyggjum en jafnvægi milli sumar- og vetrartímans sé nú komið úr skorðum og jöklarnir nái ekki að endurheimta þann ís sem þeir misstu yfir veturinn. Íslenskir jöklar hopi því með hverju árinu sem líður. 

Tengdar fréttir

Loftslagsvá

Áhrif hlýnunar mest í Asíu

• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð
• Thunberg: „Aðeins byrjunin“

» Fleiri tengdar fréttir

Loftslagsráðstefnan COP26

Loftslagsfundur Festu og Reykjavíkurborgar

• Súrsæt niðurstaða COP26
• Aðild að bandalagi gegn olíuvinnslu verið rædd
• Uppþot á blaðamannafundi: „COP26 misheppnaðist“
• Indland og Kína þurfi að svara fyrir sig

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Jökull bráðnar - yfir sumartímann