Lögreglan á Suðurnesjum sótti þrjá erlenda menn um borð í flugvél Wizz Air á Keflavíkurflugvelli í kvöld en þeim hafði verið meinaður aðgangur að vélinni. Flugvélin var á leið til pólsku borgarinnar Katowice.
Vísi greinir fyrst frá.
Mönnunum þremur hafði verið meinaður aðgangur að vélinni vegna framkomu sinnar. Þrátt fyrir þessi fyrirmæli komu þeir sér fyrir í vélinni. Er lögregla kom um borð til að sækja mennina sýndu þeir engan mótþróa.
„Þeir sýndu engan mótþróa. Þeim var bara fylgt út og gengið úr skugga um að allt þeirra hafurtask færi með,“ segir Sigurgeir Sigmundsson, yfirlögregluþjónn hjá flugstöðvardeild lögreglunnar, í samtali við mbl.is.