Óli Björn Kárason, Sjálfstæðisflokki, og Ingibjörg Ólöf Isaksen, Framsóknarflokki, voru í dag valin af þingflokkum sínum til að gegna stöðu þingflokksformanna.
Óli Björn tekur við formennskunni í þingflokki Sjálfstæðismanna af Birgi Ármannssyni, sem verður næsti forseti Alþingis, en hann hefur setið á Alþingi frá 2016.
Ingibjörg Ólöf er þingmaður Norðausturkjördæmis, en hún er ný á þingi. Þórunn Egilsdóttir heitin var formaður þingflokks Framsóknarmanna á síðasta kjörtímabili.