Spáð snjókomu í dag

Kort/mbl.is

Spáð er breytilegri átt, 3 til 8 metrum á sekúndu og úrkomulitlu. Frost verður víða 0 til 7 stig. Suðaustan 5-13 m/s og fer að snjóa í dag, fyrst vestantil. Suðvestanlands hlýnar um tíma og þar fer úrkoman yfir í slyddu og rigningu. Hægari norðlæg eða breytileg átt og minnkandi úrkoma í nótt.

Austlæg átt verður á morgun, 13-18 m/s við suðurströndina, annars mun hægari. Snjókoma verður þegar líður á daginn en fer síðan yfir í slyddu eða rigningu suðvestanlands. Hiti verður á bilinu 0 til 5 stig suðvestanlands seinnipartinn, annars víða vægt frost.

Veðurvefur mbl.is.

mbl.is