140 greindust með kórónuveiruna innanlands í gær, þar af voru 72 í sóttkví við greiningu. Þetta kemur fram á covid.is þar sem enn fremur kemur fram að alls hafi 162 smit greinst í gær, þar af 22 smit á landamærunum.
49 þeirra sem greindust voru óbólusettir, bólusetning var hafin hjá einum einum og 89 voru fullbólusettir.
22 eru á sjúkrahúsi, þar af þrír á gjörgæslu.
Tekin voru 3.695 sýni, þar af 1.508 einkennasýni. 1.532 eru nú í einangrun vegna Covid-19 og 1.842 í sóttkví.