Máli Jóns Baldvins áfrýjað
Setja bókamerki
Ríkissaksóknari hefur ákveðið að áfrýja máli Carmenar Jóhannsdóttur gegn Jóni Baldvini Hannibalssyni fyrrverandi utanríkisráðherra til Landsréttar.
Frá þessu er greint í Fréttablaðinu.
Jón Baldvin var sýknaður í Héraðsdómi Reykjavíkur fyrr í mánuðinum af ákæru þar sem hann var sakaður um að hafa brotið kynferðislega á Carmen Jóhannsdóttur sumarið 2018 þar sem hún var gestkomandi á heimili hans á Spáni ásamt fjölskyldu sinni.
Óvanalegt að sýkna þegar sjónarvottur er til staðar
Dröfn Kærnested, sækjandi í máli Carmenar, hafði farið fram á að honum yrði gert að sæta fangelsi í tvo til þrjá mánuði skilorðsbundið. Þá fór skipaður réttargæslumaður Carmenar fram á að hann yrði dæmdur til að greiða miskabætur upp á eina milljón króna, auk vaxta.
Héraðsdómur féllst ekki á þær kröfur og var Jón Baldvin sýknaður.
Dröfn Kærnested sagði þá í samtali við mbl.is að líklegt væri að áfrýjun yrði skoðuð vel. Dómurinn væri mikil vonbrigði enda óvanalegt að sýknað væri í kynferðisbrotamálum þegar sjónarvottur er til staðar. Hefði ákæruvaldið staðið í þeirri trú að það væri með sterkt mál í höndunum.
Ofsóttur innan veggja Boeing
„Þögnin er ærandi“
Mikil skjálftavirkni á landinu áhyggjuefni
Markaðurinn hitnar og leiguverð hækkar hratt
Aukin tíðni þungunarrofa hjá yngsta aldurshópnum
Stóraukið fé til samgöngusáttmála
Segir óábyrgt að skipta út öllu bankaráðinu
Starfsfólk gæti fengið reikning frá Skattinum