Staðfesta að um heimatilbúna sprengju var að ræða

Lögreglan á höfuðborgarsvæðinu staðfestir að hluturinn sem fannst í gær í ruslagámi við Mánatún hafi verið heimatilbúin sprengja. Þetta kemur fram í tilkynningu frá lögreglunni til fjölmiðla, en lögreglan hefur í gær og dag varist allra frétta af málinu fyrir utan stutta tilkynningu í gær og svo nú aftur í dag.

Frétt af mbl.is

Hluturinn í Mánatúni hafi verið sprengja

Sérsveit ríkislögreglustjóra var kölluð til og tryggði vettvang og eyddi sprengjunni.

Fréttablaðið greindi frá því í gær að sendiherrabústaður Bandaríkjanna væri í næsta nágrenni við ruslagáminn, en lögreglan segir að ekkert hafi komið fram við rannsókn málsins sem bendi til þess að málið tengist sendiráði erlends ríkis. 

Frétt af mbl.is

Þrír í haldi eftir að grunsamlegur hlutur fannst

Þá segir jafnframt að tveir af mönnunum þremur sem handteknir voru í tengslum við málið hafi hafið afplánun vegna fyrri refsidóma en þriðja manninum hefur verið sleppt.

Frétt af mbl.is

Sérsveitin í Mánatúni

Lögreglan tekur svo fram í tilkynningunni að ekki verði frekari upplýsingar veittar að svo stöddu.

• Blogga um frétt