Aukin jarðskjálftavirkni við Grímsvötn
Í forgrunni sjást Grímsvötn og þverhníptir hamrar Grímsfjalls.
mbl.is/RAX
Setja bókamerki
Jarðskjálftavirkni jókst við Grímsvötn um klukkan 6.15 í morgun. Fjórir skjálftar mældust um það leyti og var sá stærsti 3 að stærð. Engin merki eru um gosóróa, að sögn Bjarka Kaldalóns Friis, náttúruvársérfræðings hjá Veðurstofu Íslands.
Fyrsti skjálftinn var 2,3 að stærð, síðan kom sá næsti, 3 að stærð, og eftir það tveir minni skjálftar.
Ekkert gas hefur mælst. Bjarki segir helmingslíkur á því að það gjósi og að áfram sé fylgst með gangi mála.
Íshellan hefur sigið um 77 metra og segist Bjarki ekki viss um að hún geti sigið mikið meira. Síðustu tíu tímana hefur hún sigið mjög hægt, eða um 1 til 2 metra.
Daglegur samráðsfundur verður haldinn klukkan 14 í dag þar sem farið verður yfir stöðu mála.
Æskuvinur Íslendings myrtur í Noregi
„Það þarf að vinna mikinn fjölda upp“
Sex hafa greinst með listeríu
Árshátíð ríkislögreglustjóra haldin í Tékklandi
Kostnaður meiri en milljón á fermetra
Skiptir miklu meira máli en fólk grunar
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi