Langar biðraðir við bílakjallarann

Ekið er eftir bakka Ölfusár inn í kjallara Krónuhússins þar …
Ekið er eftir bakka Ölfusár inn í kjallara Krónuhússins þar sem sýnatökurnar eru. mbl.is/Sigurður Bogi

Allt að 500 manns á dag mæta í sýnatökur sem Heilbrigðisstofnun Suðurlands á Selfossi heldur úti vegna Covid-19. Sýni eru tekin í bílakjallara verslunarhúss Krónunnar í miðbænum, þangað sem má aka inn og beint í sýnatökuna svo fólk þarf aldrei að stíga út úr bílnum. Oft eru langar bílaraðir nærri sýnatökustaðnum sem er við bakka Ölfusár. „Þetta fyrirkomulag hefur reynst vel og staðsetningin er góð,“ segir Díana Óskarsdóttir, forstjóri HSU.

Það er milli kl. 9 og 12 á morgnana sem sýnatökurnar fara fram, en þeim er sinnt af starfsmönnum Securitas en undir eftirliti hjúkrunarfræðinga HSU. „Þetta verkefni hefur vissulega verið tímafrekt og tekið krafta frá öðru því sem sinna þarf á heilbrigðisstofnuninni. Við fengum því liðsinni Securitas,“ segir Díana.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »