Óbreyttar takmarkanir næstu tvær vikur
Setja bókamerki
Takmarkanir innanlands vegna kórónuveirunnar verða óbreyttar næstu tvær vikurnar. Willum Þór Þórsson heilbrigðisráðherra greindi frá þessu eftir ríkisstjórnarfund.
Willum bindur vonir við að hægt verði að slaka á takmörkunum fyrr ef gögn benda til þess að það sé óhætt.
Ákvörðunin er í fullu samræmi við minnisblað sóttvarnalæknis, að sögn ráðherrans.
Willum segir óvissu enn vera uppi vegna nýs afbrigðis kórónuveirunnar, Ómíkron. Þó að allt sé viðráðanlegt eins og staðan er í dag varðandi bylgjuna sem nú er uppi hefur langvarandi álag sömuleiðis verið á heilbrigðisþjónustuna.
Ólík sjónarmið voru uppi um hversu hratt eigi að slaka á takmörkunum hérlendis á ríkisstjórnarfundinum en niðurstaðan var þessi, að sögn Willums, og full samstaða í ríkisstjórninni.
Núverandi takmarkanir áttu að renna út á morgun.
Undanfarið hafa 50 mátt koma saman í einu, hvort sem er innan- eða utandyra en heimilt hefur verið fyrir 500 að koma saman framvísi fólk neikvæðu hraðprófi. Ljóst er að svo verður áfram.
Faraldurinn hefur verið frekar stöðugur undanfarna daga: um og yfir 100 smit á degi hverjum og u.þ.b. sami fjöldi á sjúkrahúsi hverju sinni.
Árshátíð ríkislögreglustjóra haldin í Tékklandi
„Skýr skilaboð til Seðlabankans“
„Hvílir mikil leynd yfir þessu öllu“
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Handtekin eftir að tvö börn fundust látin
Skar höfuðleðrið af íslenskri konu
„Okkur miðar í rétta átt“