Bjart veður með köflum í dag

Kort/mbl.is

Spáð er suðlægri eða breytilegri átt í dag, 3 til 10 metrum á sekúndu og björtu veðri með köflum.

Frost verður á bilinu 0 til 12 stig, kaldast í innsveitum norðaustanlands.

Stöku él verða suðvestan og vestan til og hiti í kringum frostmark, en gengur í suðaustan 8-15 m/s þar síðdegis með skúrum eða éljum. Fer að snjóa austanlands seint í kvöld.

Á morgun verður austlæg átt 5-13 m/s og snjókoma eða rigning með köflum, einkum sunnanlands. Hiti verður nálægt frostmarki.

Veðurvefur mbl.is

mbl.is