Þórdís Kolbrún einnig með veiruna

Þórdís Kolbrún Reyk­fjörð Gylfa­dótt­ir ut­an­rík­is- og þró­un­ar­sam­vinnuráðherra er með kórónuveiruna. Ráðherra greinir frá því á facebooksíðu sinni.

Hún er þar með þriðji ráðherra Sjálfstæðisflokksins sem greinir frá Covid-smiti en auk hennar eru Bjarni Benediktsson fjármálaráðherra og Áslaug Arna Sigurbjörnsdóttir, há­skóla-, iðnaðar- og ný­sköp­un­ar­ráðherra, með veiruna.

Frétt af mbl.is

Áslaug Arna með kórónuveiruna

Þórdís segir að hennar fjögurra manna fjölskylda sé öll með Covid en þau eru öll einkennalaus.

„Skjátími hefur verið langt umfram almennar reglur á heimilinu. Vinnufundir vegna Covid eru fjarfundir og sem betur fer fengu allir nýjar bækur í jólagjöf og möndlugjöfin var Partý Skellur svo það er hlegið yfir því – og kettinum Ronju sem flækir sig í kastölunum sem við byggjum,“ skrifar Þórdís meðal annars.

• Blogga um frétt