Áslaug Arna Sigurbjörnsdóttir, vísinda-, iðnaðar- og nýsköpunarráðherra, segir störf sín sem ráðherra dómsmála og sem þingmaður þar á undan frekar endurspegla afstöðu sína til kynferðisbrotamála en læk sem hún setti við færslu Loga Bergmanns Eiðssonar, útvarpsþáttastjórnanda á K100, í gær. 

Þar sagðist hann saklaus af þeim ásökunum sem Vítalía Lazareva opinberaði í viðtalsþætti Eddu Falak, Eigin konur, á þriðjudag og fjallað hefur verið um í fjölmiðlum. 

Frétt af mbl.is

Umdeilt læk ráðherra

„Störf mín, lagabreytingar og barátta í dómsmálaráðuneytinu og sem þingmaður þar á undan segja meira um afstöðu mína í þessum mikilvægu málum en nokkuð annað. Ég aftur á móti skil vel þá umræðu sem á sér stað, og ég þarf að vanda mig í þessu eins og öðru,“ segir Áslaug við mbl.is.

Frétt af mbl.is

Logi: „Ég er saklaus“

Hægt að sýna samkennd með öðrum hætti

Áslaug sætti harðri gagnrýni fyrir að hafa lækað yfirlýsingu Loga Bergmanns og segist hún hafa viljað með því sýna samkennd með Loga, sem hún tengist vinaböndum. 

Hún viðurkennir þó að sýna megi samkennd með öðrum hætti en með því að setja læk við yfirlýsingar af þeim toga sem Logi birti í gær.

„Á erfiðum tímum reyni ég að sýna þeim sem standa mér nærri samkennd, það má gera með öðrum hætti en ég gerði. En í því felst engin afstaða né vantrú á frásagnir þolenda,“ segir Áslaug. 

Frétt af mbl.is

Sakar vararíkissaksóknara um óþolendavæna afstöðu

Áslaug var einnig gagnrýnd fyrir að hafa lækað færslu Loga í ljósi þess að hún gagnrýndi Helga Magnús Gunnarsson vararíkissaksóknara fyrir að hafa lækað umdeilda færslu á síðasta ári.

Helgi lækaði færslu Sigurðar G. Guðjónssonar lögmanns, sem birti lögregluskýrslur opinberlega sem tengdust máli Þórhildar Gyðu Arnarsdóttur gegn landsliðsmanni í knattspyrnu, sem hún sakaði um kynferðisbrot. 

Þegar hún var spurð út í þetta vildi Áslaug ekki tjá sig frekar um málið.

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

Vítalía stígur fram

Biðst afsökunar á uppflettingum

• Kæra á hendur Vítalíu og Arnari enn til rannsóknar
• Hættir rannsókn í máli Vítalíu gegn þremur mönnum
• Logi sagður hafa verið ráðinn til SFS
• Leituðu sátta utan dómstóla

» Fleiri tengdar fréttir

• 2 blogg um fréttina

Bloggað um fréttina

• Torfi Kristján Stefánsson: "sem standa mér nærri"
• Hallmundur Kristinsson: Like