Vilja skýr markmið í loftslagsmálum

Guðlaugur Þór Þórðarson, umhverfis-, orku- og loftslagsráðherra lagði áherslu á mikilvægi atvinnulífsins í baráttunni gegn loftslagsvánni á norrænum fundi loftslagsmál sem fór fram með rafrænum hætti í gær. 

Þetta kemur fram í tilkynningu Stjórnarráðsins.

Á fundinum voru niðurstöður nýútgefinnar skýrslu ræddar sem byggir á svörum forstjóra 40 fyrirtækja um stefnu og viðhorf þeirra til loftslagsmála. Var sérstök áhersla lögð á hvernig best sé að haga samvinnu fyrirtækja og stjórnvalda í skýrslunni.

Flest geta boðið upp á loftslagsvænar lausnir

Samkvæmt niðurstöðum skýrslunnar telja forstjórarnir loftslagsvá alvarlega ógn sem kalli á skýr og metnaðarfull markmið stjórnvalda og grænar lausnir. Meirihluti fyrirtækjanna hafa sett sér loftslagsviðmið og geti boðið upp á margar loftslagsvænar lausnir, sem hægt er að nýta í heimalöndum þeirra jafnt sem á heimsvísu, en mörg þeirra eru með viðamikla alþjóðlega starfsemi.

Guðlaugur Þór sat fundinn fyrir Íslands hönd en auk hans voru ráðherrar loftslagsmála í Finnlandi, Noregi og Svíþjóð. Voru þeir allir sammála um mikilvægi samtals og samvinnu stjórnvalda og atvinnulífs varðandi stefnu og aðgerðir í loftslagsmálum, að því er fram kemur í tilkynningu Stjórnarráðsins.

Á fundinum vakti Guðlaugur Þór athygli á að ný ríkisstjórn hefði sett fram hert markmið í loftslagsmálum í lok árs 2021.

• 1 blogg um fréttina

Bloggað um fréttina

• Ómar Ragnarsson: Ef skorti gull, silfur og kopar, yrðu þá fyrst brædd …