Jóhannes vildi ekki tjá sig
Setja bókamerki
Jóhannes Tryggvi Sveinbjörnsson, sem er ákærður fyrir að hafa nauðgað konu á nuddstofu sinni árið 2012, vildi ekki tjá sig um sakargiftir þegar skýrslutaka fór fram við aðalmeðferð málsins nú í morgun. Hann kvaðst hvorki hafa komið við brjóst eða kynfæri konu á óviðeigandi hátt.
Þetta kemur fram í frétt á vef Rúv um málið. Athygli vekur að málið er opið en almennt eru kynferðisbrotamál lokuð. Réttarhaldið fer fram í Héraðsdómi Reykjaness.
Eins og mbl.is greindi frá í október, þá staðfesti Landsréttur úrskurð Héraðsdóms Reykjaness um að þinghaldið í sakamálinu yrði opið, en verjandi Jóhannesar hafði farið fram á að málið færi fram fyrir luktum dyrum.
Jóhannes var í janúar í fyrra dæmdur í fimm ára fangelsi fyrir að hafa nauðgað fjórum konum á meðferðarstofu sinni á tímabilinu 2009 til 2015. Landsréttur þyngdi síðan þann dóm í sex ár í nóvember sl.
Málið sem hófst í morgun er annað mál þar sem hann er ákærður fyrir nauðgun með því að hafa tvisvar í janúar 2012 haft önnur kynferðismök en samræði við konu með því að hafa káfað á kynfærum hennar, rassi og brjósti og sett fingur í leggöng hennar, henni að óvörum. Er því um að ræða sambærilega ákæru og sett var fram í fyrra málinu.
Bjarkey stendur við skammarbréf Svandísar
Kveðst tala af virðingu: „Ég er enginn dóni“
„Það er skiljanlegt að þolinmæði þeirra sé lítil“
Kvikan virðist nú skiptast til helminga
Hafa samþykkt kaup fyrir um 9,2 milljarða
Innviðir þandir og álagið „gríðarlegt“
Fjárfestingin 115 milljarðar króna
/frimg/9/40/940831.jpg)
Telur eyðsluna munu rjúka upp úr öllu valdi