Geta frestað tveimur gjalddögum

Bjarni Benediktsson fjármálaráðherra.
Bjarni Benediktsson fjármálaráðherra. mbl.is/Eggert Jóhannesson

Frumvarp fjármálaráðherra sem heimilar stjórnendum vínveitingastaða að fresta gjalddögum á sköttum og tryggingagjaldi hefur verið lagt fram á Alþingi.

Ákveðið var að veita heimildina vegna hertra sóttvarnaaðgerða ríkisstjórnarinnar.

Stjórnendur mega, samkvæmt frumvarpinu, sækja um frestun tveggja gjalddaga opinberra gjalda og tryggingagjalds á fyrri hluta ársins. Gera þarf frestunina á gjalddögunum upp á fjórum gjalddögum á síðari hluta ársins.

Skilyrðin eru þau að staðirnir mega ekki vera í vanskilum með opinber gjöld, skatta eða skattsektir sem voru á eindaga fyrir 1. ágúst. Einnig mega þeir ekki hafa verið teknir til gjaldþrotaskipta.

Framlengdur verður frestur til að sækja um viðspyrnustyrki vegna nóvembermánaðar 2021 til 1. mars næstkomandi.

mbl.is