Birta Karen býður sig fram í sæti formanns

Birta Karen Tryggvadóttir og Kári Freyr Kristinsson.
Birta Karen Tryggvadóttir og Kári Freyr Kristinsson. Ljósmynd/Aðsend

Birta Karen Tryggvadóttir hagfræðinemi hefur gefið kost á sér í formennsku í Heimdalli, félags ungra sjálfstæðismanna í Reykjavík. Kári Freyr Kristinsson sækist eftir embætti varaformanns.

Þetta kemur fram í tilkynningu.

Birta Karen er 21 árs gömul þriðja árs nemi í hagfræði við Háskóla Íslands en hún lauk stúdentsprófi frá Verzlunarskóla Íslands árið 2019. Hún hefur verið virk í félagsstörfum, jafnt innan sem utan flokksins, og hefur meðal annars setið í stjórn Heimdallar síðustu tvö ár. Hún situr nú í framkvæmdastjórn SUS.

Kári Freyr er 19 ára gamall þriðja árs nemi á viðskiptabraut við Verzlunarskóla Íslands þar sem hann gegnir nú embætti forseta nemendafélagsins. Hann situr einnig í stjórn SUS.

Bæði skipuðu þau lista Sjálfstæðisflokksins í nýafstöðnum Alþingiskosningum og tóku jafnframt virkan þátt í kosningabaráttunni.

Auk Birtu og Kára bjóða eftirfarandi einstaklingar sig fram til stjórnarsetu í Heimdalli: 

Birkir Örn Þorsteinsson, 20 ára og stundar nám í hagfræði við Háskóla Íslands

Dóra Tómasdóttir, 17 ára nemi við Menntaskólanum í Reykjavík

Elísabet Sara Gísladóttir, 18 ára nemi við Verzlunarskóla Íslands

Emilíanna Rut Mikaelsdóttir 19 ára stúdent úr Menntaskólanum við Sund

Eydís Helga Viðarsdóttir, 19 ára nemi við Verzlunarskóla Íslands

Lovísa Ólafsdóttir, 20 ára og stundar nám í hagfræði við Háskóla Íslands 

Magnús Benediktsson, 21 árs og stundar nám í hagfræði við Háskólann í Reykjavík 

Ragnar Snæland, 23 ára og stundar nám í hagfræði við Háskólann í Reykjavík

Salka Sigmarsdóttir, 19 ára nemi við Verzlunarskóla Íslands 

Sigurbjörg Nanna Vignisdóttir, 22 ára og stundar nám í lögfræði við Háskóla Íslands

Til viðbótar bjóða fjórir einstaklingar sig fram í varastjórn:

Almar Máni Þórisson, 17 ára nemi við Verzlunarskóla Íslands

Bjarki Guðmundsson, 21 árs og stundar nám í hagfræði við Háskólann í Reykjavík

Magnús Daði Eyjólfsson, 20 ára og stundar nám í viðskiptafræði við Háskóla Íslands

Selma Guðjónsdóttir, 21 árs og stundar nám í viðskiptafræði við Háskólann í Reykjavík

mbl.is