Stjórn Íslensku kvikmynda- og sjónvarpsakademíunnar (ÍKSA) hefur komist að þeirri niðurstöðu eftir mikla yfirlegu að fresta þurfi Edduverðlaunahátíðinni enn á ný. Ástæður þess eru þær sömu og síðustu tvö ár, óvissa í samfélaginu vegna Covid-19.
Þetta kemur fram í tilkynningu frá ÍSKA.
Í ljósi þess ákvað stjórn ÍKSA að frestur til innsendinga verði framlengdur um þrjár vikur, til þriðjudagsins 15. febrúar 2022.
Unnið er að útfærslu og tímasetningu verðlaunaafhendingarinnar í samræmi við þróun mála og tilmæli yfirvalda um sóttvarnir og viðburðahald.