Innlent | mbl | 22.1.2022 | 16:30

Bjóða sig fram fyrir Samfylkingu í borginni

Sextán bjóða sig fram. mbl.is/Kristinn Magnússon

Sextán einstaklingar eru í framboði á lista Samfylkingarinnar fyrir borgarstjórnarkosningar í Reykjavík í vor. Helgina 12.-13. febrúar fer fram flokksval þar sem frambjóðendur í efstu sætin fer fram.

Þar á meðal eru sjö sitjandi borgarfulltrúar flokksins og tveir varaborgarfulltrúar en sjö ný nöfn bætast við.

Kosning í efstu sex sætin bindnandi en restinni stillt upp

Kosning í sex efstu sætin er bindandi fyrir uppstillingarnefnd að teknu tilliti til reglna flokksins um að ekki halli á hlut kvenna. Framboðsfrestur rann út á hádegi í dag en eftirfarandi einstaklingar eru í framboði:

Hjálmar Sveinsson, borgarfulltrúi og formaður menningar, íþrótta- og tómstundaráðs
Ólöf Helga Jakobsdóttir, veitingakona á Horninu
Pétur Marteinn Urbancic Tómasson, lögfræðingur og formaður Hallveigar
Sabine Leskopf, borgarfulltrúi, þýðandi, túlkur og háskólakennari
Sara Björg Sigurðardóttir, stjórnmála- og stjórnsýslufræðingur og formaður íbúðaráðs Breiðholts
Skúli Helgason, borgarfulltrúi og formaður skóla- og frístundaráðs
Stein Olav Romslo, stærðfræðikennari í Hagaskóla
Þorleifur Örn Gunnarsson, umsjónarkennari í Langholtsskóla
Þorkell Heiðarsson, líffræðingur og formaður Íbúaráðs Árbæjar
Aron Leví Beck, borgarfulltrúi, byggingafræðingur, málarameistari og myndlistamaður
Birkir Ingibjartsson, arkitekt og úrbanisti
Dagur B. Eggertsson, borgarstjóri
Ellen Jaqueline Calmon, borgarfulltrúi
Guðmundur Ingi Þóroddsson, formaður Afstöðu, félags fanga
Guðný Maja Riba, kennari í Breiðholtsskóla
Heiða Björg Hilmisdóttir, borgarfulltrúi og formaður velferðarráðs

Kosningarétt í flokksvalinu eiga flokksfélagar og skráðir stuðningsaðilar Samfylkingarinnar með lögheimili í Reykjavík, sem eru rétt skráðir þann 4. febrúar næstkomandi.