Frumvarp um Ísland lagt fram á Bandaríkjaþingi
Chellie Pingree, þingmaður sem situr á Bandaríkjaþingi fyrir hönd Maine-ríkis, hefur lagt fram frumvarp sem hún kennir við Ísland. Er því ætlað að leggja grundvöll fyrir frekari viðskipti á milli landanna tveggja.
Verði frumvarpið samþykkt mun Ísland bætast á lista ríkja hverra ríkisborgarar mega sækja um ákveðin landvistarleyfi í tengslum við atvinnu sína.
Í tilkynningu segir Pingree að nýju ákvæðin myndu styrkja tvíhliða samband ríkjanna og ýta undir nýjar fjárfestingar og efnahagslegan vöxt í báðum löndum.
Eitt fárra Evrópuríkja
Ísland er eitt fárra Evrópuríkja sem ekki eiga aðgang að vegabréfsáritunum sem þessum, að sögn Pingree.
Hún kynnti frumvarpið á föstudag ásamt flokksfélögum sínum í demókrataflokknum í fulltrúadeildinni, þeim Rick Larsen frá Washington, Joe Courtney frá Connecticut og Don Young frá Alaska.