Tveir einstaklingar með örvunarskammt þurftu á gjörgæslu fyrir áramót. Annar í byrjun desember og hinn í byrjun nóvember. Báðir lögðust á gjörgæslu þegar innan við fjórtán dagar voru liðnir frá þriðju bólusetningunni. Þetta staðfestir Hildur Helgadóttir, verkefnastjóri farsóttarnefndar á Landspítala.

Mbl.is. greindi frá því í gær að samkvæmt niðurstöðum rannsóknarhóps Landspítala væri staðan á gjörgæslu mjög breytt síðan í byrjun faraldursins og að meðal annars hafi enginn sjúklingur sem hefur þegið örvunarskammt þurft á leggjast inn á gjörgæslu í faraldrinum. Sú frétt hefur nú verið leiðrétt.

Frétt af mbl.is

Áhætta 85 ára þríbólusetts eins og 57 ára óbólusetts

Varðandi að þessar einstaklingar hafi ekki komið fram í niðurstöðum rannsóknarinnar segir Martin að í skýrslu hópsins séu skilgreiningar á því hvenær einstaklingur þurfi að hafa fengið þriðju bólusetninguna svo hann teljist sem þríbólusettur. Ef færri en 14 dagar eru liðnir frá örvunarbólusetningu þá telst sá ekki þríbólusettur strax.

Enginn hefur þurft að leggjast inn á gjörgæslu síðan að Ómíkron-afbrigðið varð ríkjandi 15. desember og enginn eftir að fjórtán dagar voru liðnir frá örvunarskammti.

Frétt uppfærð 24. janúar klukkan 18:44

Upphaflega kom einungis fram í fréttinni að sá sem lagðist á gjörgæslu í nóvember hefði fengið örvunarskammtinn degi áður. Nú er ljóst að sá sem lagðist á gjörgæslu í desember hafi einnig lagst á gjörgæslu þegar innan við 14 dagar voru frá örvunarskammtinum. Þar af leiðandi er minnst á hvorugt þessara tilfella í skýrslu rannsóknarhópsins.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt