Lést á gjörgæslu með Covid-19

37 liggja á spítala með kórónuveirusmit.
37 liggja á spítala með kórónuveirusmit. mbl.is/Jón Pétur

Karlmaður á áttræðisaldri lést á gjörgæslu á síðasta sólarhring með Covid-19.

Þetta kemur fram á vef Landspítala.

Þetta mun vera sjötta andlátið á árinu meðal einstaklinga á Landspítala með Covid-19.

Í morgun voru 37 á Landspítala með kórónuveirusmit. Þrír eru á gjörgæslu, allir í öndunarvél. 

Samkvæmt upplýsingum á talnavef spítalans bættust fimm í hóp innlagðra með kórónuveirusmit í gær, þar af þrír bólusettir, einn örvunarbólusettur og einn vanbólusettur.

9.334 sjúklingar eru á Covid-göngudeild spítalans, þar af 3.366 börn.  

Starfsmenn spítalans smitaðir af veirunni, og í einangrun eða innlögn, eru 213.

mbl.is