Engar alvarlegar aukaverkanir hjá 5 til 11 ára
Setja bókamerki
Engar tilkynningar hafa borist Lyfjastofnun um grun um alvarlegar aukaverkanir í kjölfar bólusetningar gegn Covid-19 í aldurshópnum 5 til 11 ára. Bólusetning hópsins hófst fyrir rúmum tveimur vikum síðan. Átta tilkynningar um grun um aukaverkanir, sem þá eru ekki alvarlegar, innan hópsins hafa borist Lyfjastofnun.
Alls hafa 279 tilkynningar vegna gruns um alvarlega aukaverkun í kjölfar bólusetningar gegn Covid-19 borist Lyfjastofnun. Til þess að setja þá tölu í samhengi þá hafa 307.095 einstaklingar hérlendis fengið að minnsta kosti einn skammt af bóluefni.
„Mikilvægt er að hafa í huga að um er að ræða tilkynningar vegna gruns um aukaverkun. Það merkir að tilkynnt tilvik hafa átt sér stað í kjölfar bólusetningar gegn COVID-19, en segir ekki til um hvort um orsakasamhengi er að ræða milli tilvikanna og bólusetningarinnar,“ er ítrekað á vefsíðu Lyfjastofnunar.
187.623 hafa fengið örvunarskammt af bóluefni, þ.e. þriðja skammtinn, en ekkert hefur bæst í tilkynningar um grun um alvarlegar aukaverkanir í hópi þeirra sem hafa fengið örvunarskammt frá því í desember. Alls hafa 17 tilkynningar um grun um alvarlega aukaverkun í kjölfar örvunarbólusetningar borist Lyfjastofnun frá upphafi.
Myndskeið: Segjast hafa skotið niður sprengjuflugvél
Gerir ráð fyrir 150 samningum í næstu viku
Sárt að horfa upp á illa meðferð fjármuna
Hæstiréttur staðfestir vanhæfi alls Landsréttar
Aðkoman í gripahúsið mjög slæm
Ný staða uppi og óvissan meiri
29 nautgripir fundust dauðir