Willum Þór Þórsson heilbrigðisráðherra hefur í samráði við sóttvarnalækni ákveðið að frá og með morgundeginum verði hætt að gera kröfu um eins metra nálægðarmörk á sitjandi viðburðum.
Núgildandi reglugerð um sóttvarnaaðgerðir fellur úr gildi þann 1. mars og hefur sóttvarnalæknir sagt að til skoðunar sé að slaka á reglum í millitíðinni.
Samráðshópur tónlistariðnaðarins sendi frá sér opið bréf til ríkisstjórnarinnar fyrr í vikunni þar sem hópurinn lýsir því að ótækt sé að halda tónleika með núgildandi takmörkunum.
Skoraði hópurinn á yfirvöld að falla frá eins metra reglunni þegar í stað á skipulögðum viðburðum.