Flugmaðurinn reyndur og formaður AOPA
Setja bókamerki
Flugmaðurinn sem flaug vélinni sem leitað hefur verið að við Þingvallavatn síðan í gær heitir Haraldur Diego og er reyndur flugmaður. Um borð í vélinni voru einnig þrír erlendir ferðamenn frá Bandaríkjunum, Hollandi og Belgíu, samkvæmt frétt Washington Post.
Flugvélin sem er týnd er af gerðinni Cessna 172N með skráningarnúmerinu TF-ABB.
Haraldur rekur fyrirtækið Volcano Air Iceland og hefur starfað sem flugmaður og ljósmyndari um árabil. Þá er hann formaður AOPA, hagsmunafélags flugmanna og flugvélaeigenda á Íslandi, og ritstjóri Flugsins, tímarits um flugmál.
Á Flugblogg.is, fjölmiðils sem fjallar um hvaðeina sem tengist flugi á Íslandi, var greint frá því í nótt að flugmaðurinn væri Haraldur. Þar segir að Haraldur sé eigandi flugvélarinnar.
Síðast spurðist til vélarinnar klukkan 11:45 í gærmorgun en hún átti að snúa aftur til Reykjavíkur klukkan eitt eftir hádegi í gær. Það gerði hún ekki og um klukkustund síðar fór Landhelgisgæslan af stað í leit.
Nú hafa hundruð leitað Haraldar og ferðamannanna þriggja í tæpan sólarhring en leitin hefur enn ekki borið árangur. Ekkert neyðarkall barst frá vélinni, óvitað er hvers vegna.
Fréttin hefur verið uppfærð
„Tíminn er runninn út fyrir Kristján Loftsson“
Ofsóttur innan veggja Boeing
Aukin tíðni þungunarrofa hjá yngsta aldurshópnum
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt
Starfsfólk gæti fengið reikning frá Skattinum