Líklegt er að fresta þurfi þeim björgunaraðgerðum vegna flugslyssins sem hefjast áttu í dag við Ölfusvatnsvík þar sem ísinn á vatninu er orðinn of þykkur til að hægt sé að framkvæma þar köfun, að sögn Odds Árnasonar, yfirlögregluþjóns á Suðurlandi. 

Allir viðbragðsaðilar eru nú tilbúnir á vettvangi og fóru prófanir á köfunarbúnaði fram klukkan níu í morgun eins og til stóð. Búið er að sjósetja prammana en þar sem ísinn er of þykkur til að hægt sé að fara með þá lengra þarf að sækja tæki til að greiða leiðina.

Að sögn Odds var þetta viðbúin staða enda ekki óþekkt vandamál í köfun á Íslandi. 

„Þetta er ein af hættunum sem við áttum von á.“

Hann segir erfitt að meta hversu langt sé í að búnaðurinn komi á svæðið en hann eigi ekki von á því að það verði kafað í dag, verður það líklega gert á morgun. Samkvæmt veðurspánni eigi þó að blása í dag og gæti því ísinn brotnað upp að einhverju leyti.

Tengdar fréttir

Flugslys við Þingvallavatn

Á rétt á upplýsingum um flugmann vélar sem fórst

• Farþegi hringdi á Neyðarlínuna er slysið varð
• Með umfangsmestu aðgerðum seinni ára
• Upptökur úr öryggismyndavélum gefa upplýsingar
• Rafbúnaður um borð í vélinni

» Fleiri tengdar fréttir

• Blogga um frétt