Landspítali aftur upp á neyðarstig
Setja bókamerki
Landspítalinn hefur verið færður af hættustigi á neyðarstig, að því er fram kemur á vef spítalans.
51 sjúklingur liggur á spítalanum smitaður af veirunni. Einn er á gjörgæslu með Covid en vegna annars, segir á vef spítalans.
Meginástæður fyrir flutningi spítalans á neyðarstig eru, samkvæmt farsóttanefnd, mikill fjöldi og aðflæði Covid-smitaðra sjúklinga, fá legurými, miklar annir á Covid-göngudeild, mikill fjöldi starfsmanna í einangrun og óheyrilegt álag á heilbrigðiskerfið í heild sinni.
Þá er staðan á bráðamóttöku einnig sögð mjög erfið og fráflæði þaðan mjög tregt.
„Metfjöldi bættist í hópinn í gær eða 14 en einungis 5 voru útskrifaðir úr honum. Það er því þröngt setinn bekkurinn og í dag verður allt kapp lagt á að hreyfa Covid sjúklinga í önnur úrræði til að eiga rými fyrir bráðainnlagnir dagsins. Í gær greindust yfir 80 starfsmenn með Covid og eru nú að lágmarki 369 frá vinnu vegna þess,“ segir á vef spítalans.
Hjón sluppu með skrekkinn
Þrjú og hálft ár fyrir skotárás í Úlfarsárdal
Stóraukið fé til samgöngusáttmála
Benda á Samgöngustofu sem bendir út í heim
Markaðurinn hitnar og leiguverð hækkar hratt
Allar rúður brotnar hjá Fiskikónginum
„Þögnin er ærandi“
„Ert þú þá svona latte-lepjandi hjólagaur?“